rat२१p३७.jpg-
२५N७९०३७
चिपळूण - प्रांत कार्यालयात निवेदन देताना बहुजन संघटनांचे पदाधिकारी.

हल्लेखोरांवर कडक कारवाई करा
बहुजन संघटनेकडून गायकवाड यांच्यावरील हल्ल्याचा निषेध
सकाळ वृत्तसेवा
चिपळूण, ता. २१ : मराठा सेवा संघ संभाजी ब्रिगेडचे प्रदेशाध्यक्ष प्रवीण गायकवाड यांच्यावर अक्कलकोट येथे झालेल्या भ्याड हल्ल्याचा निषेध करण्यासाठी चिपळूणमध्ये विविध बहुजन समाज संघटनांनी एकत्र येत तीव्र प्रतिक्रिया व्यक्त केली. संभाजी ब्रिगेड, जिजाऊ ब्रिगेड, मराठा समाज संघटना, छत्रपती शिवाजी मुस्लिम ब्रिगेड आणि इतर बहुजन संघटनांच्यावतीने आयोजित करण्यात आलेल्या निषेध आंदोलनात हल्लेखोर दीपक काटे व त्याच्या साथीदारांवर ‘मकोका’ कायद्यान्वये कठोर कारवाई करण्यात यावी, अशी मागणी मुख्यमंत्री व गृहमंत्र्यांकडे निवेदनाद्वारे करण्यात आली.
हे निवेदन प्रांताधिकारी चिपळूण यांच्याकडे सादर करण्यात आले. या वेळी पदाधिकारी म्हणाले, हा हल्ला केवळ एका नेत्यावर नव्हे तर बहुजन विचारांवर आहे. लोकशाही व्यवस्थेत अशा हिंसक प्रवृत्तींना स्थान नाही. आम्ही गप्प बसणार नाही. निवेदन देताना संभाजी ब्रिगेडचे जिल्हाध्यक्ष शिवश्री संतोष सावंत देसाई, कोकण संघटक सुबोध सावंत देसाई, कोकण कार्याध्यक्ष मकरंद जाधव, कोकण सचिव संजयराव चव्हाण, राकेश सुर्वे, सुभाष कदम, बाळा कदम, राजू कदम, प्रदीप साळुंखे, विक्रांत सावंत, मालती पवार, निर्मला जाधव, स्नेहल चव्हाण, दीप्ती सावंत देसाई, स्मिता खंदारे आदी उपस्थित होते.