80485

जानवली येथे जनावरांचे लसीकरण शिबिर
कणकवली, ता. २८ ः डॉ. बाळासाहेब सावंत कोकण कृषी विद्यापीठ, दापोली संलग्न ब्राम्‍हणेश्‍वर शैक्षणिक सामाजिक उन्नती मंडळ अंतर्गत कार्यरत राजाराम मराठे कृषी महाविद्यालय, फोंडाघाट येथील कृषी पदवीच्या अंतिम वर्षातील विद्यार्थ्यांनी जानवली गावात जनावरांसाठी लसीकरण शिबिर झाले.
ग्रामीण कृषी जागरूकता व कृषी औद्योगिक कार्यानुभव कार्यक्रमांतर्गत या शिबिरामध्ये जनावरांमध्ये लंपी त्वचारोगासारख्या आजारांपासून संरक्षणासाठी लसीकरण करण्यात आले. पशुवैद्यकीय अधिकारी डॉ. अजित कृष्णा मळीक यांच्या मार्गदर्शनाखाली लसीकरण मोहीम राबवण्यात आली. यावेळी त्‍यांनी पावसाळ्यात जनावरांमध्ये होणाऱ्या विविध आजारांचा प्रादुर्भाव टाळण्यासाठी शेतकऱ्यांना आवश्यक उपाययोजनांची माहितीही त्यांनी दिली.
या शिबिराच्या आयोजनामध्ये जानवली उपसरपंच किशोर राणे यांच्यासह स्थानिक शेतकऱ्यांचे मोलाचे सहकार्य लाभले. विद्यार्थ्यांमध्ये देवराज निंबाळकर, सिद्धेश पताडे, सार्थक डोणे, अथर्व भोवर, प्रथमेश परब, अतुल शिंदे, ओम भांगरे व अभिनव पाटील यांनी विशेष मेहनत घेतली. तर विद्यार्थ्यांना प्राचार्य श्री. संते तसेच कार्यक्रम समन्वयक आणि विषय श्री. मोटे यांचे मार्गदर्शन लाभले.