-ratchl२८१.jpg-
P२५N८०६०१
चिपळूण ः भारतीय जवानांना राखी पाठवताना माजी सैनिक, विद्यार्थी व शिक्षक.
--------
सती विद्यालयाने जवानांना पाठवल्या राख्या
चिपळूण : सह्याद्री शिक्षणसंस्थेची प्राथमिक शाळा खेर्डी-चिंचघरीने (सती) रक्षाबंधन सणाचे महत्त्व लक्षात घेऊन घेण्यात आलेल्या उपक्रमातून विद्यार्थ्यांनी १ हजार राख्या स्वतः तयार केल्या. या राख्या भारतीय जवानांना मोठ्या उत्साहात पाठवण्यात आल्या. हे उपक्रमाचे सहावे वर्ष आहे. जवान रक्षाबंधनाच्या दिवशी शाळेच्या विद्यार्थिनींना फोन करून व पत्र पाठवून समाधान व्यक्त करतात. देशसेवेविषयीची भावना वाढीस लागावी या विचाराने मुख्याध्यापक अरविंद सकपाळ यांच्या मार्गदर्शनाखाली शिक्षिका ज्योती चाळके यांनी तसेच सर्व शिक्षकांनी विद्यार्थिनींना एकत्र करून १ हजार आकर्षक राख्या तयार केल्या. सोबत एक संदेशपत्र असे स्वतंत्र पाकिटात भरून भारतीय सीमेवरील जवानांना माजी सैनिक हवालदार प्रवीण भुरण, हवालदार संभाजी चव्हाण यांच्या हस्ते भारतीय जवानांना राख्या पाठवण्यात आल्या.