पाली (रायगड) : पाली खोपोली राज्य महामार्गावर जांभुळपाडा गावानजवळ रविवारी (ता.3) पहाटे मालवाहू ट्रक पलटला. या अपघातात सुदैवाने ट्रकचालक बचावला.

याबाबत सविस्तर माहिती अशी की, नागोठणेजवळील सुप्रिम कंपनीतून पुण्याकडे जाण्याकरीता केमिकल बॅग घेवून निघालेला ट्रक पहाटे 4 वाजताच्या सुमारास पाली खोपोली मार्गावरून जात होता. यावेळी जांभुळपाडा गावानजीक ट्रकचे पाटे अचानक तुटल्याने अपघात झाला. ही माहिती ट्रक चालक तुफानी यादव याने दिली.

यावेळी प्रसंगावधानता राखत यादवने ट्रकबाहेर उडी मारल्याने तो बचावला. मात्र रस्त्याची खाली ट्रक पलटून मातीत रुतल्याने ट्रकचे नुकसान झाले. दरम्यान वाहनचालकाने दुसरा ट्रक मागवून केमीकल बॅगची सुरक्षीतरित्या वाहतुक केली.