IPL 2023 Star Sports Broadcast : आयपीएलच्या 16 व्या हंगामात जेवढी चर्चा चेन्नई, मुंबईच्या सामन्याची झाली नाही त्यापेक्षा जास्त चर्चा ही स्टार स्पोर्ट्स आणि जिओ सिनेमा यांच्यातील ब्रॉडकास्टिंग स्पर्धेची झाली. स्टार स्पोर्ट्स आणि पार्टनर जिओ यांच्यात प्रेक्षक खेचण्यात जोरदार रस्सीखेच सुरूआहे. मात्र BARC च्या नुकत्यात प्रसिद्ध झालेल्या आकडेवारीनुसार स्टार स्पोर्ट्सने विक्रमी प्रेक्षक संख्येसह जोरदार मुसंडी मारली आहे.

स्टार स्पोर्ट्सने पहिल्या आठवड्यात टीव्हीवर आतापर्यंत 6230 कोटी मिनिटे व्ह्युवरशीप मिळवली आहे. ही आयपीएल इतिहासातील (कोरोना काळ वगळून) आतापर्यतची दुसऱ्या क्रमांकाची पहिल्या आठवड्यातील आकडेवारी आहे. BARC च्या डाटानुसार शहरी पुरूष स्पोर्ट्स प्रेक्षकसंख्या जवळपास 25 टक्क्यांनी वाढली आहे. स्टार स्पोर्ट्सची टीव्ही रेटिंग सुद्धा सुधारली आहे.

याबाबत बोलताना स्टार स्पोर्ट्स डिजने हॉटस्टारचे प्रमुख संजोग गुप्ता यांनी सांगितले की, 'डिजने हॉटस्टार टाटा आयपीएल 2023 चे प्रक्षेपण करत आहे. त्याला मिळणारा प्रतिसाद पाहून आम्ही भारावून गेलो आहोत. धडाकेबाज सुरूवातीनंतर आम्ही प्रेक्षकसंख्येच्या बाबतीत आमची रेकॉर्ड ब्रेक कामगिरी सुरूच ठेवली आहे. आम्ही आयपीएल इतिहासातील हंगामाच्या पहिल्या 10 सामन्यात दुसऱ्या क्रमांकाची सर्वोच्च प्रेक्षक संख्या नोंदवली आहे.'

ते पुढे म्हणाले की, 'चाहत्यांच्या स्टार स्पोर्ट्सला सातत्याने मिळणाऱ्या प्रेमाबद्दल आभारी आहोत. सलामीच्या सामन्यावेळी टीव्हीवरील सर्वोच्च प्रेक्षक संख्या ही 5.6 कोटी पर्यंत गेली होती. ही आयपीएल इतिहासातील (कोरोना काळ सोडून) सर्वोच्च प्रेक्षकसंख्या होती. यामुळे आयपीएल आणि स्टार स्पोर्ट्सची मिळून ताकद किती आहे हे दिसून येते.'

(Sports Latest News)

हेही वाचा : Credit Card फसवणूक....काय घ्याल काळजी?