IPL 2024 Harbhajan Singh Reply Babar Azam IPL jerseys Photo : पाकिस्तानचे क्रिकेटपटू बाबर आझम, शाहीन अफ्रिदी आणि मोहम्मद रिझवान यांचा आयपीएल जर्सीतील फोटो व्हायरल झाले. यानंतर पाकिस्तानमधील एका चाहत्याने हे फोटो शेअर करत दोन्ही देशातील चाहते हे खेळाडू सर्वात श्रीमंत लीगमध्ये खेळण्याची स्वप्न पाहत आहेत.

यावर हरभजन सिंगने कडक शब्दात प्रतिक्रिया देत या चाहत्याला गप्प बसवलं. सोशल मीडिया पोस्ट असो वा मैदानावरील सामना असो हरभजन पाकिस्तानविरूद्ध काही असलं तर तो शांत बसत नाही. हरभजनच्या या प्रतिक्रियेमुळे सोशल मीडियावर जोरदार चर्चा सुरू झाली आहे.

भारत आणि पाकिस्तान यांच्यातील राजनैतिक संबंधांमुळे दोन्ही देशांमधील क्रिकेट संबंध देखील ताणले गेले आहे. 26/11 च्या मुंबई हल्ल्यानंतर भारताने पाकिस्तानसोबतचे संबंध तोडून टाकले. त्यानंतर पाकिस्तानी खेळाडूंवर आयपीएल खेळण्यावर बंदी घालण्यात आली.

गेल्या 16 वर्षात अनेक प्रतिभाशाली विदेशी खेळाडू दर वर्षी आयपीएल खेळण्यासाठी भारतात येतात. आयपीएल ही सर्वात श्रीमंत आणि सर्वात मोठी क्रिकेट लीग आहे. पाकिस्तानी खेळाडू देखील आयपीएलमध्ये खेळायला मिळावे अशी इच्छा बाळगून असणं सहाजिकच आहे.

पाकिस्तानचे चाहते देखील बाबर आझम आणि शाहीन अफ्रिदी यासारखे खेळाडू आयपीएल लिलावात कशी कामगिरी करतात. त्यांची लिलावातील किंमत किती याबाबत उत्सुक असतील.

मात्र हरभजनने पाकिस्तानी चाहत्यांना कडक शब्दात सुनावत त्यांचा हिरमोड केला. हरभजन ट्विट करून म्हणाला की, 'कोणत्याही भारताला असे स्वप्न पडत नाही... तुम्ही लोकं अशी स्वप्नं पाहणं सोडून द्या. आता जागे व्हा!'

(IPL Latest Marathi News)