मुंबई: राज्याच्या अर्थसंकल्पीय अधिवेशनात आज विरोधी पक्षनेते देवेंद्र फडणवीस (Devendra Fadnavis) यांनी नवाब मलिक (Nawab Malik) ते प्रवीण चव्हाण व्हिडिओ अशा अनेक मुद्यावर आरोप केले आहेत. व्हिडिओत धक्कादायक अशी माहिती असल्याचं फडणवीस यांनी म्हटलं आहे. तसंच एका व्हिडिओमध्ये या सगळ्याला अजित पवार सपोर्ट करत नसल्याचा उल्लेख असल्याचं फडणवीस यांनी सांगितलं. या व्हिडिओत अजित पवार सपोर्ट करत नाही, पण बडे साहब सब देख रहे है. कोणी चांगले अधिकारी आहेत का. चांगल्या अधिकाऱ्यांची नावे द्या असं त्यांनी सांगितलंय. त्यांची नावे द्या आणि त्यानंतर आपण कारवाई करू असं मला सांगतिलं आहे असे फडणवीस आज म्हणाले. यावर राष्ट्रवादी काँग्रेसचे (NCP) नेते छगन भुजबळ (Chhagan Bhujbal) यांनी प्रतिक्रिया दिली आहे.

फडणवीस यांनी केलेल्या आरोपावर प्रत्यूत्तर देताना छगन भुजबळ म्हणाले, फडणवीसांनी केलेला आरोप आणि सादर केलेला व्हिडिओ खरा आहे का हे पहिल्यांदा तपासावा लागेल. फडणवीस सांगताहेत हे खर खशावरून, हा आवाज नेमका कोणाचा, कोण बोललं हे बघावं लागेल कारण पवार साहेब असे कुणाच्याही बाबत असे भाष्य करणार नाही. त्या पुराव्यावर माझा विश्वास नाही असे मत भुजबळांनी व्यक्त केले आहे. त्यांनी अध्यक्षांना पुरावे १३० तास व्हिडिओ दिले याचे आश्चर्य वाटत आहे. पेगासीस देखील एवढं काम करेल का? असा प्रश्न त्यांनी उपस्थित केला आहे.

नवाब मलिकांच्यावरील आरोपांविषयी बोलताना भुजबळ म्हणाले, ईडी म्हणतंय टायपिंग मिस्टक आहे. व्यवहार दाऊद सोबत झाला हे कुणी सांगितले. नवाब मलिक यांचा नेमका काय व्यवहार झाला. का ते मुस्लिम आहेत म्हणून दाऊदशी त्यांचा संबंध जोडला जात आहे असेही भुजबळ म्हणाले.