मुंबई: नवाब मलिक (Nawab Malik) यांचा राजीनामा घ्यावा यासाठी भाजप उद्या मोर्चा काढणार आहे. त्याचबरोबर भाजप नेत्यांना अडकवण्याचा प्रयत्न केला जात असल्याचा आरोप भाजपचे विरोधी पक्षनेते देवेंद्र फडणवीस (Devendra Fadnavis) यांनी विधानपरीषदेत केला आहे. नवाब मलिकांविरोधातील चौकशी बंद करण्यासाठी हा डाव आखला जात असल्याचेही ते म्हणाले आहेत. मलिकांच्या माध्यमातून मला अडकवण्याचा डाव होता असा आरोप केला आहे. फडणवीसांच्या या भाषणाचे काँग्रेस प्रदेशाध्यक्ष नाना पटोले (Nana Patole) यांनी कौतुक केले आहे.
फडणवीसांचे कौतुक करताना पटोले म्हणाले, कायदा आणि सुवेव्यवस्थेवर इतक चांगल मार्गदर्शन फडणवीसांनी केले आहे. जे काही पुरावे, मुद्दे मांडलेत ते कौतुकास्पद आहे. मात्र यांना का वाईट वाटंतय हे कळत नाही. रश्मी शुक्लावर कारवाई शासनाने केली आहे. फडवीसांनी पोलिस दलाचा गैरवापर सरकारकडून मोठ्या प्रमाणात वाढला असा आरोप केला. यावर पटोले म्हणाले, देवेंद्र फडणवीस यांनी कायदा सुव्यवस्थेवर भाषण केले मी त्यांचे कौतुक करतो. मात्र रश्मी शुक्लाचा वापर कोणी केला याचे उत्तर सरकारने द्यावे असा प्रश्नही नाना पटोलेंनी विचारला आहे.
देवेंद्र फडणवीस काय म्हणाले
देशाच्या शत्रूशी व्यवहार करणाऱ्यांना सभागृहात बसण्याचा अधिकार नाही. नवाब मलिक यांचा राजीनामा घेतला पाहिजे, अनिल देशमुखांचा राजीनामा घेतला, संजय राठोड यांच्याविरोधात तक्रार नसताना राजीनामा घेतला. मग नवाब मलिकांचा का घेतला नाही? त्यांना वेगळा न्याय आहे का? असा सवाल फडणवीसांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.