मुंबई - महाराष्ट्र राज्य मार्ग परिवहन (एसटी) महामंडळाच्या १८ हजार बसमधून प्रथमोपचार पेट्या गायब झाल्या आहेत. त्यामुळे गरज भासल्यास प्रवासी व कर्मचाऱ्यांवर प्रथमोपचार करणे अशक्‍य झाले आहे. 

प्रवाशांना विविध सोई-सुविधा दिल्याचा दावा एसटी महामंडळाकडून केला जातो; मात्र बसगाड्यांतील प्रथमोपचार पेट्या गायब झाल्या आहेत. चालक, वाहक व प्रवाशांसाठी बसगाड्यांत बसवलेल्या प्रथमोपचार पेट्यांत बॅण्डेज, मलम, आयोडिन, चिकटपट्ट्या, औषधी गोळ्या, कात्री आदी साहित्य ठेवले जात होते. त्याची चोरी होत असल्याने प्रथमोपचार पेटीची जबाबदारी वाहकाकडे देण्यात आली होती; परंतु त्या गायब झाल्या आहेत. प्रथमोपचार पेट्यांबाबतच्या समस्येकडे एसटीने गांभीर्याने लक्ष देण्याची गरज आहे; परंतु सामान्य प्रवाशांची दखल घेतली जात नाही, असा आरोप होत आहे.