पुणे : राष्ट्रवादी कॉंग्रेसचे प्रदेश उपाध्यक्ष मंगलदास बांदल
यांची शनिवारी (ता.14) पक्षातून हकालपट्टी करण्यात आली आहे. पुण्यातील सराफी व्यावसायिकास 50 कोटी रुपयांची खंडणी मागितल्याप्रकरणी दाखल झालेल्या गुन्ह्यात पुणे पोलिसांकडून करण्यात येत असलेल्या चौकशीमुळे
बांदल यांच्यावर पक्षाने ही कारवाई केली आहे.

- आता बातम्या ऐकण्यासाठी डाऊनलोड करा ई-सकाळचे ऍप 

याबाबतचे पत्र प्रदेश राष्ट्रवादी कॉंग्रेसचे सरचिटणीस शिवाजीराव गर्जे यांनी पाठविले असल्याचे राष्ट्रवादी कॉंग्रेसचे जिल्हाध्यक्ष प्रदीप गारटकर यांनी सांगितले.

- Coronavirus : राज्य सरकारचा मोठा निर्णय; शाळा-महाविद्यालये बंद म्हणजे बंद!​

दरम्यान, गेल्या पाच वर्षात राष्ट्रवादी कॉंग्रेसने बांदल यांना
दुसऱ्यांदा पक्षातून निलंबित केले आहे. याआधी 2015 मध्ये पक्षविरोधी कारवाया केल्याबद्दल पहिल्यांदा बांदल यांची पाच वर्षासाठी हकालपट्टी करण्यात आली होती. त्यावेळी त्यांनी पुणे जिल्हा मध्यवर्ती सहकारी बॅंकेच्या (पीडीसीसी) संचालक मंडळाच्या पंचवार्षिक निवडणुकीत पक्षाच्या अधिकृत उमेदवाराच्या विरोधात काम केले होते. तेव्हा बांदल हे जिल्हा
परिषदेच्या बांधकाम व आरोग्य समितीचे सभापती होते. मात्र राष्ट्रवादी कॉंग्रेसमधून हकालपट्टी झाल्यानंतरही बांदल यांनी या पक्षामुळे मिळालेल्या बांधकाम व आरोग्य समिती सभापतिपदाचा राजीनामा दिला नव्हता.

- १८ रुपयांचं पेट्रोल तुम्हाला मिळतं ७५ रुपयांना; पण कसं? जाणून घ्या!

त्यानंतर 2017 मध्ये झालेल्या जिल्हा परिषदेच्या पंचवार्षिक निवडणुकीत बांदल यांनी लोकशाही क्रांती आघाडीची स्थापना केली आणि पत्नी रेखा बांदल यांना या आघाडीच्या माध्यमातून जिल्हा परिषदेवर निवडून आणले. या निवडणुकीनंतर बांदल यांना राष्ट्रवादी कॉंग्रेसने पुन्हा पक्षात परत घेत, प्रदेश उपाध्यक्षपदाची जबाबदारी दिली होती.

- कोरोनाच्या धास्तीमुळे RSS ने घेतला महत्त्वाचा निर्णय!

गारटकर म्हणाले, ''एका नेत्याचे विचार म्हणजे ते संपूर्ण पक्षाचे विचार नसतात. चुकीच्या नेत्यांच्या अपप्रवृत्तीला राष्ट्रवादी कॉंग्रेस पक्ष कधीही खतपाणी घालत नाही. त्याचाच भाग म्हणून पक्षस्तरावरून बांदल यांची पक्षातून हकालपट्टी झाली आहे.''