सोलापूर: उत्तर सोलापूर तालुक्यातील वडाळा येथे आज अज्ञात लोकांनी मराठा समाजाला आरक्षण देण्याच्या मुद्द्यावरून एसटीची जाळपोळ केली त्याच बरोबर चार-पाच एसटीच्या काचाही फोडल्या आहेत.

आज दुपारी साडेबारा एकच्या दरम्यान ही घटना वडाळा येथे घडली. सोलापूर बार्शी राज्य महामार्गावर वडाळा सोलापूर पासून 25 किलोमीटर अंतरावर हे गाव आहे. या गावातील लोकांनी मराठा समाजाला आरक्षण मिळावे या मागणीसाठी आज तीव्र आंदोलन करत एक एसटी पेटवली तर पाच सहा एसटीच्या काचा फोडल्या आहेत. सोलापूर येथील अग्निशामक दलाची गाडी एसटीची आग विजवण्यासाठी घटनास्थळी दाखल झाली आहे. त्याचबरोबर आता पोलिस कुमक मागवण्यात आली असून परिस्थिती नियंत्रणात आहे.