Tunisha Sharma Death: शनिवारी २४ डिसेंबर,२०२२ रोजी २० वर्षीय तुनिषा शर्मा टी.व्ही मालिकेच्या सेटवर शूटिंग करत होती. वॉशरुमला जाते म्हणून सांगून गेली ती वळली मेकरुम कडे,जिथे त्यावेळी कुणी नव्हतं. मेकअप रुममध्ये पोहोचल्यावर तिनं दरवाजा आतून बंद केला. त्यानंतर तुनिषाचे मित्र आणि सहकलाकार शीजान दरवाजा तोडून आत पोहोचले आणि तुनिशाच्या बॉडीला फासावरनं खाली उतरवलं. तुनिशा शर्मा निधनाच्या प्रकरणात आता एक मोठी अपडेट समोर आली आहे. तुनिशाच्या काकांनी शीजानचं नाव न घेता आरोप केले आहेत.(Actress Tunisha Sharma death update, Suicide case)
तुनिशाच्या काकांनी १० दिवसआधी घडलेल्या एका घटनेचा उल्लेख केला आहे. त्यांनी म्हटलं की-''अलीबाबा शो सुरु झाल्यानंतर काही दिवसांतच तुनिशा आणि शीजान एकमेकांच्या अधिक जवळ आले होते. जवळपास १० दिवस आधी तुनिशाला एंजायटी अटॅक देखील आला होता. यानंतर तिला हॉस्पिटलमध्ये दाखल केलं गेलं होतं. तिचे काका पुढे म्हणाले की जेव्हा मी आणि तिची आई तिला भेटायला गेलो तेव्हा तुनिशानं सांगितलं की तिच्यासोबत खूप चुकीचं घडलं आहे. तिचा विश्वासघात झाला आहे''.
''आम्हाला अंदाज तेव्हा आला होता की काहीतरी गडबड आहे. तेव्हा तिच्या आईनं विचारलं की जेव्हा नातं नव्हतं निभवायचं तर मग एवढी जवळकी साधलीच कशाला? आम्हाला वाटतं की या प्रकरणात ज्याचा दोष आहे,त्याला शिक्षा झालीच पाहिजे. काकांनी सांगितलं की तुनिशाची मावशी इंग्लंडमध्ये राहते. ती भारतात आल्यानंतर २७ डिसेंबरला तुनिशावर अंत्यसंस्कार केले जातील''.
माहितीसाठी इथे सांगतो की तुनिशा शर्माच्या आईनं अभिनेत्रीचा खास मित्र शीजान खानवर मोठा आरोप लावला होता. आईचं म्हणणं आहे की शीजानमुळे त्यांच्या मुलीनं आत्महत्या केली आहे. या घटनेसाठी शीजानच जबाबदार आहे. तर,तुनिशा केस मध्ये ऑल इंडियन सिने वर्कर्स असोसिएशनचे अध्यक्ष सुरेश शायमलाल गुप्ता यांनी सरकारकडे SIT टीम नेमण्यासाठी मागणी केली आहे.
तर AiCWA च्या अध्यक्षांनी सांगितले आहे की- ''मी त्या सेटवर गेलो होतो,जिथे तुनिशा शर्माने आत्महत्या केली. तिथे लोक घाबरले आहेत आणि काही ना काही तरी गडबड नक्कीच आहे. सरकारनं या प्रकरणावर लक्ष द्यावं आणि SIT नेमून तपास सुरु करावा. खूप गोष्टी बाहेर येतील. सेटवर महिला सुरक्षित नाहीत. सेट खूप आतमध्ये आहे. तिथे लोकांना यायला-जायला भीती वाटते''.
तुनिशा शर्मा टी.व्ही शो 'अली बाबा: दास्तान-ए-काबुल' मध्ये दिसली होती. तिनं 'फितुर' आणि 'बार बार देखो' सारख्या सिनेमात तरुण कतरिना कैफची भूमिका साकारली आहे. विद्या बालन च्या 'कहानी २' मध्ये देखील काम केलं होतं. तुनिशा 'इंटरनेटवाला लव्ह',' इश्क सुभानल्लाह','गायब', 'शेर-ए-पंजाब महाराजा रणजीत सिंग' सारख्या अनेक शोज मध्ये दिसली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.