Shah Rukh Khan: शाहरुख खान सध्या त्याच्या आगामी डंकी सिनेमामुळे चर्चेत आहे. शाहरुखने आजवर अनेक सिनेमांमधून लोकांच्या मनावर राज्य केलं. शाहरुखचा आगामी डंकी सिनेमा काहीच दिवसांमध्ये प्रेक्षकांच्या भेटीला येणार आहे.

शाहरुखने नुकतंच त्याच्या फॅन्ससोबत #askSRK हे सेशन केलंय. त्यावेळी एका चाहत्याने शाहरुखला भन्नाट प्रश्न विचारला. त्यावेळी शाहरुखने त्या चाहत्याला दिलेलं उत्तर चांगलंच चर्चेत आहे.

(shah rukh khan gave an amazing answer to a fan's question)

चाहत्याच्या प्रश्नावर शाहरुखचं उत्तर

शाहरुख खानने नुकतंच x वर फॅन्ससोबत प्रश्न - उत्तरांचं #askSRK सेशन केलं. एका फॅनने शाहरुखला सांगितलं, माझ्या ४ बायका, २४ मुलं आणि ५० शेजाऱ्यांना मी डंकी पाहण्याची परवानगी देणार नाही. एवढं नुकसान मी सहन करु शकत नाही.

यावर शाहरुखने रिप्लाय केला की, भाई तू आधीच आयुष्यात इतका व्यस्त आहेस तर दुसरी कामं करायला तुला वेळ अजिबात मिळणार नाही. कृपया तुझ्या बायको - मुलांसोबत वेळ काढ. मुलांसोबत खेळ आणि बायकोसोबत सिनेमा पाहायला जा.

शाहरुखने दिलेला हा रिप्लाय चांगलाच व्हायरल झालाय.

बॉलीवूडचा बादशाह शाहरुख खान सध्या त्याच्या हिट सिनेमांमुळे चर्चेत आहे. त्याने या वर्षी बॉक्स ऑफिसवर धुमाकूळ घातला . 'जवान' आणि 'पठाण' अशा हजार कोटींचे कलेक्शन करणाऱ्या चित्रपटानंतर आता सर्वांच्या नजरा शाहरुख खानच्या 'डंकी' या चित्रपटाकडे लागल्या आहेत. शाहरुख सध्या डंकी निमित्ताने ट्विटरवर #askSRK निमित्ताने चाहत्यांच्या संपर्कात असतो.

'डंकी' हा चित्रपट शाहरुखचा या वर्षातील तिसरा मोठा आणि बहुप्रतिक्षित असल्याचे बोलले जात आहे. विशेष म्हणजे राजकुमार हिरानी दिग्दर्शित या चित्रपटात तापसी पन्नू आणि विकी कौशल सारखे लोकप्रिय कलाकारही आपल्या अभिनयाने प्रेक्षकांची मने जिंकणार आहे.

शाहरुखचा डंकी ख्रिसमसच्या मुहूर्तावर म्हणजेच 22 डिसेंबरला थिएटरमध्ये प्रदर्शित होणार आहे.