Vanita Kharat News: वनिता खरात ही महाराष्ट्राची हास्यजत्रामधील लोकप्रिय अभिनेत्री. वनिताने महाराष्ट्राची हास्यजत्रा शोमध्ये विविध भुमिका साकारुन प्रेक्षकांंचं मन जिंकलंय. वनिता खरातच्या कॉमेडी अभिनयाचे अनेक फॅन्स आहेत.

आता वनिताच्या फॅन्ससाठी खुशखबर. वनिता खरात पहिल्यांदाच खलनायिकेच्या भुमिकेत प्रेक्षकांच्या भेटीला येणार आहे. जाणुन घ्या सविस्तर.

(maharashtrachi hasyajatra fame vanita kharat play villain in upcoming marathi serial sundari)

वनिता खरात या मालिकेत साकारणार खलनायिका

‘सन नेटवर्क’च्या ‘सन मराठी’ वाहिनीवरील ‘सुंदरी’ या मालिकेचे नवीन पर्व नुकतेच सुरु झाले आहे. या मालिकेत वनिता खरात झळकणार आहे.

सुंदरी मालिकेच्या नवीन पर्वात सुंदरीच्या आयुष्याचा नवीन आणि आव्हानात्मक प्रवास सुरु झालाय. पण आता सुंदरीच्या प्रवासात एक अडचण म्हणजे ‘साहेब’. या 'साहेब' भुमिकेच्या निमित्ताने वनिता पहिल्यांदाच खलनायिका म्हणुन समोर येणार आहे.

‘साहेब’ या नावाप्रमाणेच त्या व्यक्तीचं व्यक्तीमत्व देखील भारदस्त, बेधडक, जिगरबाज असणार यात शंका नाही. ‘साहेब’ या खलनायिकेची भूमिका वनिता खरात साकारत आहे. नुकताच वनिताच्या भूमिकेचा प्रोमो सोशल मिडीयावर प्रदर्शित झाला असून वनिताला या अनोख्या भूमिकेत पाहणं प्रेक्षकांसाठी सरप्राईज असणार हे नक्की.

तू जरी असली कलेक्टर तरी कायदा हा साहेबाचा चालतो, या दमदार डायलॉगमुळे वनिताच्या भूमिकेचा अंदाज प्रेक्षकांना आलाच असेल.

आता साहेब आणि सुंदरी समोरासमोर आल्यावर नेमकं काय होणार. सुंदरी ही मालिका सोमवार ते शनिवार रात्री १० वाजता फक्त ‘सन मराठी’वर पाहता येईल.