Boyz 4 Box Office Collection: 'बॉईज 4' हिट की फ्लॉप? १० दिवसाचा बॉक्स ऑफीस रिपोर्ट समोर

Boyz 4 Box Office Collection News: बॉईज 4 सिनेमा काही दिवसांपुर्वी प्रेक्षकांच्या भेटीला आला. या सिनेमाची सर्वांना उत्सुकता होती. रिलीजपुर्वीपासुनच बॉईज 4 सिनेमा लोकांच्या चर्चेचं कारण ठरला.

बॉईज 4 सुपरहिट ठरला की फ्लॉप झाला, याचं उत्तर समोर आलाय. गेल्या दहा दिवसातला बॉईज 4 बॉक्स ऑफीस रिपोर्ट समोर आलाय. जाणुन घ्या.

(boyz 4 box office collection in 10 days)

बॉईज 4 चा बॉक्स ऑफीस रिपोर्ट

बॉईज येणार तर बॉक्स ऑफिसवर पण राडा होणार! सुपरहिट 'Boyz4' ची धमाकेदार कमाई.. असं कॅप्शन देत बॉईज 4 चा बॉक्स ऑफीस रिपोर्ट समोर आलाय.

गेल्या १० दिवसात बॉईज 4 ने ४.२० कोटीची कमाई केलीय. त्यामुळे बॉक्स ऑफीसवरील कमाई बघता बॉईज 4 लोकांना आवडत असुन सुपरहिट झालाय असं म्हटल्यास वावगं ठरणार नाही.

बॉईज 4 मध्ये असलेले कलाकार

'बॉईज ४' सिनेमा काही दिवसांपुर्वी रिलीज झाला. या सिनेमात धैर्या, ढुंग्या आणि कबीरच्या गँगमध्ये नवीन बॉईजही सहभागी झाले आहेत. सुमंत शिंदे, पार्थ भालेराव आणि प्रतिक लाड यांच्यासोबत 'बॅाईज ४' मध्ये आता ऋतिका श्रोत्री, अभिनय बेर्डे, निखील बने, गौरव मोरे, रितुजा शिंदे, जुई बेंडखळे दिसणार आहेत. याव्यतिरिक्त या चित्रपटात गिरीष कुलकर्णी, यतीन कार्येकर, समीर धर्माधिकारी आणि ओम पाटील यांच्याही प्रमुख भूमिका आहेत.

बॉईज 4 ची OTT वर कधी? आणि कुठे?

'बॉईज ४'ची सिनेमा २० ऑक्टोबरला सगळीकडे रिलीज झाला. बॉक्स ऑफीस रिपोर्ट पाहता 'बॉईज ४' सिनेमा पाहायला युवा वर्गाने चांगलीच गर्दी केलेली दिसतेय.

'बॉईज ४' सिनेमा OTT वर कधी येणार असा प्रश्न तुम्हाला पडला असेल. तर 'बॉईज ४' OTT वर कधी येणार याची निश्चित डेट समोर आली नसुन सिनेमा लवकरत प्राईम व्हिडीओवर पाहता येण्याची शक्यता आहे.