बॉलिवूडपासून हॉलिवूडपर्यंत स्वत:ची वेगळी ओळख निर्माण करणारी 'देसी गर्ल' अर्थात अभिनेत्री प्रियांका चोप्रा हिने 'अनफिनिश्ड' या नावाने आत्मचरित्र प्रकाशित केलं. या बायोग्राफीमध्ये प्रियांकाने तिच्या व्यावसायिक व वैयक्तिक आयुष्याविषयी बरेच खुलासे केले आहेत. २००० मध्ये तिने मिस वर्ल्डचा किताब जिंकत करिअरमधील मोठं यश संपादित केलं होतं. मात्र या स्पर्धेपूर्वी घडलेल्या एका धक्कादायक प्रसंगाचा खुलासा प्रियांकाने केला आहे.
जिमी फॉलनच्या 'द टुनाइट शो'मध्ये प्रियांकाने या घटनेचा खुलासा केला. "स्पर्धेच्या वेळी तिथे जवळपास ९० मुली होत्या, ज्या बॅकस्टेज इथे - तिथे फिरत होत्या. सर्वांची हेअरस्टाइल आणि मेकअपची गडबड सुरू होती. त्याचवेळी मी माझे केस कर्ल (कुरळे) करत असताना एकीचा धक्का लागला. माझ्या केसांची बट जळाली आणि कपाळालाही चटका बसला होता. कपाळावरचा डाग मी मेकअपने लपवण्याचा प्रयत्न केला, पण जळालेल्या केसांचं मी काहीच करू शकत नव्हते. अखेर ती बट तशीच ठेवत स्टाइल असल्यासारखं दाखवलं," असं प्रियांकाने सांगितलं.
सौंदर्यस्पर्धेदरम्यान कोणकोणत्या समस्यांना सामोरं जावं लागतं आणि ऐनवेळी अशा घटना घडल्यास युक्त्या वापरून त्यातून पुढे जावं लागतं, याची शिकवण त्या घटनेतून मिळाल्याचं प्रियांकाने सांगितलं. याआधीही प्रियांकाने तिच्या वॉर्डरोब मालफंक्शनचा किस्सा सांगितला होता. मात्र फॅशन शोदरम्यान अत्यंत चलाखीने तिने ते लपवण्याचा प्रयत्न केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.