बाॅलीवूड अभिनेता रणबीर कपूर आणि आलिया भट हे दोघे सध्या वेगवेगळ्या कारणांमुळे माध्यमांमध्ये चर्चेत आहेत. लवकरच दोघांची लागोपाठ चित्रपट प्रदर्शित होण्यास तयार आहेत. दुसरीकडे रणबीर आणि आलिया लवकरच आईबाबा होणार आहेत. दोघेही कामामुळे खूपच व्यस्तही आहेत. या दरम्यान त्यांच्या चाहत्यांसाठी आणखी एक आनंदाची बातमी समोर आली आहे. (Ranbir Kapoor And Alia Bhatt's Movie Brahmastras First Song Kesariya To Be Release)

दोघेही पहिल्यांदा ब्रह्मास्त्र (Brahmastra) चित्रपटातून मोठ्या पडद्यावर दिसणार आहेत. तसेच या चित्रपटाचा ट्रेलर लोकांना खूपच आवडला आहे. या चित्रपटाच पहिल गाण प्रेक्षकांच्या भेटीला येणार आहे.

आलिया-रणबीरची जोडी गाजणार

ब्रह्मास्त्रच्या या गाण्याची पहिली झलक आलिया भट (Alia Bhatt) आणि रणबीर कपूरच्या (Ranbir Kapoor) विवाहप्रसंगी पाहायला मिळाले होते. ब्रह्मास्त्रचे दिग्दर्शक अयान मुखर्जीने आपला जवळचा मित्र रणबीरला लग्नाच्या शुभेच्छा देण्यासाठी केसरियाचा टीजर प्रदर्शित केला होता आणि खास अंदाजात आपल्या मनाची गोष्ट समोर ठेवली होती. या गाण्याच्या टिजरमध्ये रणबीर कपूर आणि आलिया भटच्या जोडीने आपला वेगळा अंदाज दाखवला होता. प्रेक्षक या गाण्याची प्रतिक्षा करत होते. केसरिया गाण १५ जुलै रोजी प्रदर्शित होण्यास तयार आहे.