मुंबई : नवोदीत असूनही अल्पावधीत आपला मोठा चाहतावर्ग तयार केलेल्या बॉलिवूड अभिनेत्री सारा अली खानने आपल्या इन्स्टाग्राम अकाऊँटवर एक मजेदार पोस्ट शेअर केली  आहे. यात तिने आपल्या बालपणीच्या मैत्रीणीची चोरलेली एक गोष्ट अजूनही परत केलेली नाही, असे सांगितले आहे.

साराने आपली 'पहिली' मैत्रीण वेदिका पिंटोला बर्थडे विश करणारी एक पोस्ट आपल्या इन्स्टाग्रामवर शेअर केली असून यासोबतच दोघींचे बालपणीचे व आताचे फोटो शेअर केले आहेत. तसेच तिने लिहीले आहे की, मी 22 वर्षापूर्वी तुझे पेपी चोरले होते आणि आजही हे आठवून मला फार हसू येते. 

सारा सध्या वरुण धवनसोबतच्या कुली नंबर 1 चित्रपटाच्या शुटिंगमध्ये व्यस्त आहे. या सोबतच सारा कार्तिक आर्यनसोबत लव आजकल 2 या चित्रपटात देखील झळकणार आहे.