'WWE'मध्ये भारताचा हा रेसलर पाहिला की खूप भारी वाटायचं. इंग्रजी मुस्तंड्यांच्या नाकात दम आणायचा तेव्हा तो भारतीय आहे याचा आपल्याला अभिमान वाटायचा. असा 'द ग्रेट खली'(The Great Khali) अनेकदा त्याच्या पोस्टमुळे चर्चेत असतो. पण आता त्यानं एक व्हिडीओ पोस्ट केला आहे ज्याला ४ लाखांहून अधिक वेळा पाहिला गेल्याचं दिसून आलं आहे. त्यानं त्याच्या इन्स्टाग्राम हॅंडलवर तो व्हिडीओ पोस्ट केला आहे. त्या व्हिडीओमधून तो अल्लू अर्जूनचा(Allu Arjun) 'झुकेगा नही' डायलॉग रीक्रीएट करताना दिसत आहे. आता हा डायलॉग आपल्या खलीसाठी तर एकदम फिटच आहे ना राव.

'पुष्पा'(Pushpa :The Rise) सिनेमाला प्रदर्शित होऊन आता महिना उलटून गेला असेल पण त्या सिनेमाची क्रेझ काही कमी होताना दिसत नाही. त्यातील डायलॉग आणि गाण्याचे व्हिडीओ रील तर अजूनही सोशल मीडियावर शेअर केले जात आहेत. अल्लू अर्जून आणि रश्मिका मंदाना यांची प्रमुख भूमिका असलेल्या 'पुष्पा' सिनेमाने देशात नुसता धुमाकूळ घातलाय तो असा. सेलिब्रिटींपासून,क्रिकेटर्सपर्यंत दिग्गजांनी 'पुष्पा'तील डायलॉग म्हणत व्हिडीओ सोशल मीडियावर पोस्ट केले आहेत. खलीचा देखील हा व्हिडीओ तुफान व्हायरल झालाय तो इथे बातमीत आम्ही जोडत आहोत. खलीचे चाहते तर त्याच्या या व्हिडीओवर भलतेच खुश झालेले दिसून येत आहेत.