औरंगाबाद : बीड जिल्ह्यातील मनरेगा (MNREGA) अंतर्गत झालेल्या कामांत गैरव्यवहार झाल्याचे स्पष्ट होऊनही कारवाई होत नसल्याने महाराष्ट्र भ्रष्टाचार निर्मूलन समितीच्या वतीने आज सोमवारी (ता.१३) रोजगार हमी मंत्री संदिपान भुमरे (Sandipan Bhumare) यांच्या औरंगाबादेतील संपर्क कार्यालयासमोर धरणे आंदोलन करण्यात आले. या आंदोलनाचे नेतृत्व भ्रष्टाचार निर्मूलन समितीचे कार्याध्यक्ष गणेश ढवळे यांनी केले. यावेळी भुमरे यांना निवेदन (Aurangabad) देण्यात आले. (agitation before sandipan bhumare's office in aurangabad)

निवेदनात म्हटले आहे, की बीडमध्ये मनरेगा अंतर्गत मोठ्या प्रमाणावर आर्थिक गैरव्यवहार अधिकारी व कंत्राटदार यांनी बोगस कामे करुन कोट्यावधी रुपयांची आर्थिक फसवणूक करत आहेत. बीडचे जिल्हाधिकारी व जिल्हा परिषदेचे मुख्य कार्यकारी अधिकारी यांना तक्रार, निवेदने आणि आंदोलन करुन सुद्धा अधिकारी चौकशी करित नाहीत. पुराव्यासह तक्रार केल्यानंतरही दोषींवर कारवाई होत नसून भ्रष्टाचार दडपण्याचा प्रयत्न होताना दिसत आहे.