बीड : मुलाच्या हव्यासापोटी डॉक्टर पतीकडून पत्नीचा छळ होत असल्याची घटना कळंब (जि. उस्मानाबाद) येथे घडली. पतीकडून जाळण्याचा प्रयत्न झाल्याचा आरोप जखमी पत्नीने केला. मारहाणीत जखमी झालेल्या महिलेवर जिल्हा रुग्णालयात उपचार सुरु आहेत.
सारुळ (ता. केज) माहेर असलेल्या प्रियंका ढाकणेचा कळंब येथील पेशाने डॉक्टर असलेल्या विशाल प्रल्हाद घुगे याच्याशी पाच वर्षांपूर्वी विवाह झाला होता. पहिली मुलगी झाल्याने प्रियंकाला घरात सासरच्याकडून मुलासाठी त्रास दिला जाऊ लागला. मात्र दुसऱ्यांदा मुलगा होईल या अपेक्षेने थोडा त्रास कमी झाला होता.
मात्र, पाच महिन्यांपूर्वी दुसरी मुलगी झाल्याने तेव्हापासून पती आणि सासरच्या मंडळीकडून मारहाण करत शारीरिक मानसिक त्रास दिला जात होता. त्यातच रात्री याच कारणावरून पतीने मारहाण करत चार महिन्याच्या मुलीसह अंगावर रॉकेल ओतून पेटवून देण्याचा प्रयत्न केला. मात्र प्रियंका सुदैवाने सुटका करून घेण्यात यशस्वी झाली आणि बसस्टँडवर येऊन माहेरच्या मंडळींना फोन केला. तिला उपचारासाठी बीडच्या जिल्हा रुग्णालयात दाखल केले आहे. मात्र चार महिन्यांची मुलगी अद्यापही राहत्या घरीच आहे.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.