नांदेड : रस्त्यात एका नगरसेवकाला अडवून मारहाण करून हातातील घड्याळ व सोन्याचे ब्रासलेट जबरीने चोरून नेले. यावरून दोघांविरूध्द इतवारा ठाण्यात गुन्हा दाखल करण्यात आला आहे. ही घटना इतवारा भागातील जुन्या टपाल कार्यालयासमोर बुधवारी (ता. 13) रात्री दहाच्या सुमारास घडली. 

जुन्या नांदेड शहरातील जुने पोस्ट कार्यालयासमोर गोविंद हरकरे व त्याच्या इतर साथिदारांनी नगरसेवक नागेश कोकुलवार यांना अडविले. जुन्या वादातून त्याला मारहाण केली. एवढेच नाही तर नगरसेवकाच्या हातातील टायटन कंपनीची मनगटी घड्याळ व अडीच तोळे वजनाचे सोन्याचे ब्रासलेट असा 86 हजार 500 रुपयाचा वज लंपास केला. नगरसेवक नागेश कोकुलवार यांच्या फिर्यादीवरुन इतवारा पोलिस ठाण्यात जबरी चोरीचा गुन्हा दाखल करण्यात आला आहे. तपास पोलिस उपनिरीक्षक नंदकिशोर सोळंके हे करीत आहेत.