नांदेड : आई होण्याची तीव्र इच्छा असल्यामुळे तिने टेस्ट ट्यूब द्वारे प्रयत्न केले. मात्र त्यामध्येही चार वेळा अपयश आले. मात्र तिने हार मानली नाही. टेस्ट ट्यूब बेबी प्रक्रियेत अपयश आल्यानंतरही तिने प्रयत्न सुरु ठेवले. अखेर तिला यश मिळाले आणि नांदेडच्या वाडेकर हॉस्पिटलमध्ये स्त्रीरोग तज्ज्ञ डॉ. गायत्री वाडेकर यांच्या मार्गदर्शनाखाली असिस्टेड हॅचिंग या अत्याधुनिक तंत्रज्ञानाचा वापर करून एका महिलेला मातृत्व प्राप्त झाले. 

यापूर्वी या महिलेने तीन वेळा नाशिक आणि एका वेळेस नांदेड येथे अशा चार वेळेस टेस्ट ट्यूब बेबीचा प्रयत्न केला होता; पण त्यांना अपयश आले. त्यानंतर वाडेकर हॉस्पिटलमध्ये असिस्टेड हॅचिंग या अत्याधुनिक तंत्रज्ञानाचा वापर करून तिला यश मिळाले. पार्शीयल झोना डिसेक्शन (कट करुन) त्यांनी झोना या आवरणाला कट करुन गर्भाला झोनामधून बाहेर पडण्यास वाट करुन दिली. गर्भधारणा तर झालीच पण सदृढ कन्यारत्नाचा जन्मही झाला असल्याची माहिती डॉ. गायत्री वाडेकर यांनी दिली. 

या तंत्रज्ञानाचा कोणाला फायदा 
झोना जर २० मायक्रॉनपेक्षा जास्त जाड असेल, जास्त वयाच्या टेस्ट ट्यूब बेबी करणाऱ्या स्त्रिया, वारंवार टेस्ट ट्यूब बेबीत अपयश आलेल्या स्त्रिया आणि क्रायोप्रिझर्वेशन तंत्रज्ञानाचा वापर करुन तयार केलेले गर्भ यांना या तंत्रज्ञानाचा फायदा होत असल्याची माहिती त्यांनी दिली. 
 
पहिल्याच प्रयत्न यशस्वी
पहिल्याच प्रयत्नात असिस्टेड हॅचिंग तंत्रज्ञान यशस्वी ठरले. टेस्ट ट्यूब बेबी तंत्रज्ञानाचे पुढचे पाऊल म्हणजे इक्सी. या आधी चार वेळा सदरील महिलेवर टेस्ट ट्यूब बेबीत अपयश आल्यानंतर अत्याधुनिक पद्धत असिस्टेड हॅचिंग या तंत्रज्ञानाचा वापर केल्यानंतर यश मिळाले असल्याची माहिती डॉ. वाडेकर यांनी दिली. वाडेकर हॉस्पिटलमध्ये ना नफा ना तोटा तत्वावर आंतरराष्ट्रीय दर्जाची सुसज्ज यंत्रणा, निर्जंतुक प्रयोगशाळा व अत्याधुनिक तंत्रज्ञानाचा वापर करण्यात येत असून त्याचा अनेकांना फायदा झाला असल्याची माहिती डॉ. वाडेकर यांनी दिली. मातृत्व मिळाल्याचा आनंद सदर मातेसह त्यांच्या कुटुंबियांच्या गगनात मावेनासा झाला होता. डॉ. वाडेकर यांनी मिळवलेल्या या यशाबद्दल त्यांचे अनेकांनी अभिनंदनही केले.

ही आहेत वंधत्वाची कारणे

व्यायामाचा अभाव, बैठी जीवनशैली, मुलींची उशीरा होणारी लग्ने, नोकरीत यशस्वी होण्यासाठी येणारा मानसिक तणाव, घर व नोकरी सांभाळताना होणारा शारीरिक ताण, फवारण्या केलेल्या भाज्या व फळे ही नकळत असलेली पण अत्यंत महत्त्वाची वंधत्वाची कारणे आहेत. बाळ होण्यासाठी संभाव्य किती आहे, हे तपासण्यासाठी एएमएच नावाच्या संप्रेरकाची तपासणी केली जाते. आजकाल एएमएच चा अहवाल खूपच कमी येत  आहे.                                                                         - डॉ. गायत्री वाडेकर, स्त्रीरोग तज्ज्ञ, नांदेड.