मराठवाडा

तोडलेला नळ रात्रीतून घेतला जोडून 

सकाळ वृत्तसेवा

औरंगाबाद - मुख्य लाइनवरून घेतलेले नळ तोडण्याची मोहीम महापालिकेने बुधवारी (ता. २७) राबविली. त्यात मोतीकारंजा येथील एका धार्मिक स्थळाचे कनेक्‍शनही तोडण्यात आले होते; मात्र महापालिकेच्या कारवाईनंतर रात्रीतून पुन्हा कनेक्‍शन घेण्यात आल्याचे गुरुवारी (ता. २७) समोर आले. त्या ठिकाणी नळाचे पाणी टॅंकरमध्ये भरताना महापालिकेच्या पथकाने पकडले. उपायुक्त मंजूषा मुथा यांनी ही कारवाई केली.

महापालिकेच्या पथकाने काही महिन्यांपूर्वी मोतीकारंजा येथे मुख्य पाइपवरून घेण्यात आलेले नळ तोडण्याची कारवाई केली होती. पंतप्रधान कार्यालयाकडे याबाबत तक्रार करण्यात आल्याने त्याची दखल घेत ही मोहीम सुरू करण्यात आली; मात्र त्यावरून एवढा तणाव वाढला की, पुढे दंगलीला हेच कारण कारणीभूत ठरले. त्यानंतर महापालिकेने बेकायदा नळ तोडण्याची मोहीम थांबवली. दरम्यान, बुधवारपासून पुन्हा मोहीम सुरू करण्यात आली. मोतीकारंजा येथे दीड इंचाचे नळ कनेक्‍शन तोडण्यात आले. महापालिकेचे पथक माघारी फिरताच हे कनेक्‍शन रात्रीतून पुन्हा जोडण्यात आले. याबाबत माहिती मिळताच आयुक्त डॉ. निपुण विनायक यांनी सकाळी पथकाला कारवाईसाठी पाठवले. पथकाने पाहणी केली असता बेकायदा नळाद्वारे टॅंकर भरण्यात येत असल्याचे आढळून आले. यावेळी मोठा जमाव जमा झाल्याने तणाव निर्माण झाला. शेवटी प्रचंड पोलिस बंदोबस्तात पुन्हा नळ कनेक्‍शन तोडण्याची कारवाई करण्यात आली. पथकप्रमुख मंजूषा मुथा यांनी धार्मिक स्थळामध्ये जाऊन कारवाईला विरोध न करण्याचे आवाहन करीत नळ कनेक्‍शन बंद केले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Accident News: मुंबई आग्रा चांदवड मार्गावर भीषण अपघात; ६ ते ७ जणांचा मृत्यू, अनेक जण जखमी

Covishield बनवणाऱ्या कंपनीने ब्रिटिश कोर्टात मान्य केले लसीचे दुष्परिणाम! कोणते साईड एफेक्ट्स होतात जाणून घ्या

Loksabha Election 2024 : शांतीगिरी महाराजांमुळे तिढा वाढला ; नाशिकमध्ये शिवसेनेकडून अर्ज सादर केल्याचा दावा

Share Market Opening: शेअर बाजाराची वाढीसह सुरुवात; निफ्टी बँक पुन्हा नवीन विक्रमी उच्चांकावर

Latest Marathi News Live Update : बाणेर-पाषाण रोडवर ट्रॅफिक जाम.. वाहनांच्या रांगा

SCROLL FOR NEXT