फुलंब्री: महावितरण कार्यालय येथे मुख्यमंत्री बळीराजा मोफत वीज योजने अंतर्गत फुलंब्री तालुक्यातील शेतकऱ्यांच्या कृषी पंपाचे भरलेल्या वीज बिलाच्या पावत्याचे प्राथमिक स्वरूपात भाजपचे जिल्हाध्यक्ष तथा माजी नगराध्यक्ष सुहास शिरसाठ यांच्या हस्ते शुक्रवारी (ता.चार) वितरण करण्यात आले.

फुलंब्री तालुक्यातील 19 हजर 184 शेतकरी बांधवांना घरपोच महावितरण कार्यालयतर्फे भरलेल्या वीज बिलाची पावती वितरित करण्यात येणार आहे. त्यामुळे शेतकऱ्यांना कृषी पंपाचे चालू वर्षाचे बिल आकारण्यात येणार नाही. शेतकरी हिताच्या निर्णयाबद्दल मुख्यमंत्री एकनाथजी शिंदे, उपमुख्यमंत्री देवेंद्रजी फडणवीस आणि उपमुख्यमंत्री अजितदादा पवार यांचे शेतकऱ्यांनी आभार मानले.

याप्रसंगी भाजपचे जिल्हाध्यक्ष तथा माजी नगराध्यक्ष सुहास शिरसाठ, फुलंब्री सोसायटीचे चेअरमन शामराव मालोदे, भाजपा तालुका उपाध्यक्ष राम बनसोड, सुमित प्रधान, सुनील शेवाळे, भास्कर कोलते, गोपीनाथ मालोदे, पंजाबराव कोलते, कार्यकारी अभियंता व्ही. एस.ओवळ, सहाय्यक अभियंता गणेश साखळे, सहाय्यक अभियंता एम.बी. पवार, एस.एस.आहिरे, ए.ए.सय्यद, आर.जी.जाधव, एस.के.पात्रे व शेतकरी बांधव उपस्थित होते.