भिवंडी : लॉकडाऊनमुळे सर्व ठिकाणी प्रवासी वाहतूक बंद असताना भिवंडी शहरातील 60 कामगारांना ट्रकमधून उत्तर प्रदेश येथे घेऊन जाताना भोईवाडा पोलिस ठाण्याचे वरिष्ठ निरीक्षक कल्याण कर्पे यांनी कारीवली गाव परिसरात ट्रक ताब्यात घेत ट्रकमालक व चालकाविरोधात गुन्हा दाखल केला.

मुंबईतील महत्वाच्या बातम्या वाचण्यासाठी येथे क्लिक करा

मुंबई शिवाजीनगर गोवंडी येथील ट्रकमालक मोहम्मद अल्ताफ अकबर अली सय्यद याने आपल्या ट्रकचा चालक इरफान अहमद नसीम अहमद फारुकी याच्या मदतीने करीवली ग्रामपंचायत हद्दीतील नालापार येथे ट्रकमध्ये 60 जणांना दाटीवाटीने बसून घेऊन जाण्याच्या तयारीत असताना याची माहिती भोईवाडा पोलिस ठाण्याचे वरिष्ठ निरीक्षक कल्याणराव कर्पे यांना समजताच त्यांनी तत्काळ पोलिस पथक त्या ठिकाणी रवाना करून घटनास्थळावरून ट्रक ताब्यात घेत ट्रकमालक मोहम्मद अल्ताफ अकबर अली सय्यद व चालक इरफान अहमद नसीम अहमद फारुकी या दोघांविरोधात गुन्हा दाखल केला असून, पुढील तपास सहायक पोलिस उपनिरीक्षक वाघ करीत आहेत.

60 workers leaving truck in Uttar Pradesh