नालासोपारा : नालासोपारा (Nalasopara) आणि वसई रेल्वे स्थानकादरम्यान (Vasai railway Station) एका पित्याने आपल्या तीन वर्षांच्या चिमुरडयासह लोकल ट्रेनसमोर उडी मारत आत्महत्येचा प्रयत्न (Suicide attempt) केला आहे. रविवारी सकाळी सव्वा पाचच्या सुमारास ही घटना घडली. यात पिता गंभीर जखमा झाला असून त्याची प्रकृती चिंताजनक आहे. तर तीन वर्षांच्या चिमुरड्याचा (children death) यात मृत्यू झालाय. या घटनेने परिसरात शोककळा पसरली आहे.

राजीव वाघेला असे आत्महत्येचा प्रयत्न केलेल्या पित्याचे नाव असून, कृष्णा वाघेला असे मयत झालेल्या 3 वर्षांच्या चिमुरड्याचे नाव आहे. दोघे नालासोपारा पूर्वेकडे राहणारे आहेत. राजीव वाघेला याने मुलासह रविवारी सकाळी विरार- चर्चगेट लोकलसमोर उडी मारत आत्महत्येचा प्रयत्न केला.

यात दुर्दैवाने मुलाचा मृत्यू झाला तर राजीव वाघेला याची स्थिती चिंताजनक आहे. त्याला नालासोपारातील रुग्णालयात अतिदक्षता विभागात ठेवण्यात आलं आहे. राजीव वाघेलानं हे टोकाचं पाऊल का उचलले याबाबत पोलिसांकडून माहिती उपलब्ध झालेली नाही. मात्र कौटुंबिक कारणामुळे त्याने हे कृत्य केल्याची चर्चा आहे.