मुंबई : युवासेना अध्यक्ष आदित्य ठाकरे यांच्या नेतृत्वाखाली शिवसेना 18 जुलै पासून राज्यव्यापी जनाशीर्वाद यात्रा काढणार. सुमारे 4000 किमी चा यात्रा होणार. ज्या मतदारांना लोकसभेत मते दिली त्यांचे आभार व ज्यांनी दिली नाहीत त्यांचे मन वळवण्यासाठी या यात्रेत प्रयत्न होणार. 

येत्या 18 जुलैला जळगाव येथून जनाशिर्वाद यात्रा सुरू होईल. त्यानंतर तारखेला धुळे मालेगाव, 20 जुलैला नाशिक शहर, 21 जुलैला नाशिक ग्रामीण आणि नगर जिल्ह्यात तर 22 जुलैला नगर, श्रीरामपूर आणि शिर्डीत या जनआशिर्वाद यात्रेचा पहिला टप्पा पूर्ण होईल, अशी माहिती युवासेनेचे सरचिटणीस वरूण सरदेसाई यांनी दिली.

जिथे जिथे यात्रा पोहोचेल तेथील शिवसेना नेते, आमदार, पदाधिकारी उपस्थित राहतील. या दरम्यान आदित्य संवाद हा कार्यक्रम,  कार्यकर्ता मेळाव्यांचे आयोजन करण्यात येणार असल्याचे सरदेसाई यांनी सांगितले.

जनआशिर्वाद यात्रेच्या माध्यमातून राज्यातील प्रत्येक जिल्ह्यात आणि जिल्ह्यातील प्रत्येक तालुक्यात आदित्य ठाकरे पोहोचतील. 22 जुलैला पहिला टप्पा पार पडल्यानंतर पुढील टप्प्यांचा कार्यक्रम जाहीर करण्यात येणार असल्याचेही वरूण सरदेसाई यांनी सांगितले.