Munawwar Rana Passed Away : प्रसिद्ध उर्दू कवी मुन्नावर राणा याचे हृदय विकाराच्या झटक्याने निधन झाले आहे. वयाच्या 71 व्या वर्षी त्यांनी शेवटचा श्वास घेतला. गेल्या अनेक दिवसांपासून ते आजाराशी झुंझत होते. अखेर लखनऊच्या पीजीआय हॉस्पिटलमधे त्यांची प्राणज्योत मावळली.

गेल्या वर्षापासून मुनव्वर राणा यांची तब्येत ठीक नसल्यामुळे त्यांना लखनऊ मधील अपोले रुग्णालयात दाखल करण्यात आलं होतं. राणा यांची तब्येत आणखी बिघडल्यामुळे त्यांना व्हेंटिलेटरवर ठेवण्यात आलं होतं.

मुनव्वर राणा कोण होते?

मुनव्वर राणा प्रसिद्ध शायर आणि कवी होते. उर्दू व्यतिरिक्त हिंदी आणि अवधी भाषेत ते कविता लिहायचे. मुनव्वर राणा यांनी वेगवेगळ्या शैलीत गझलांचं प्रकाशन केलं आहे. २०१४ साली त्यांना उर्दू साहित्यासाठी २०१४ सालचा साहित्य अकादमी पुरस्कार जाहीर करण्यात आला होता.

तसेच २०१२ साली त्यांना 'माटी रतन सम्मान' या पुरस्काराने सन्मानित करण्यात आलं होतं. मुनव्वर यांनी एका वर्षानंतर पुरस्कार सरकारला परत केला होता. तसेच त्यांनी वाढत्या असहिष्णुतेमुळे कधीही सरकारी पुरस्कार स्वीकारण्याची शपथ घेतली होती'.