कल्याण : भारतीय जनता पक्षाचे ज्येष्ठ नेते लालकृष्ण अडवानी यांनी राम मंदिर उभारणीसाठी देशभरात रथयात्रा केली होती. यात्रेमध्ये अडवाणींच्या रथाचे सारथ्य करणारे सलीम मखानी यांचे आज निधन झाले. मागील वीस दिवसांपासून त्यांच्यावर मुंबईतील इस्पितळात कोरोनावर उपचार सुरु होते.
1990 मधे भारतीय जनता पक्षाचे तत्कालीन अध्यक्ष लालकृष्ण अडवाणी यांनी गुजरातमधील सोमनाथ येथून यात्रेला सुरुवात केली होती. या यात्रेसाठी वाहनचालक म्हणून सलीम यांनी पूर्णवेळ काम केले होते. राम मंदिर उभारणीची तयारी सुरु असतानाच त्यांचे निधन झाल्याने अनेकांनी हळहळ व्यक्त केली. सलीम यांच्या पश्चात पत्नी आणि दोन मुली असा परिवार आहे.
सलीम मखानी यांची शास्त्रीनगर रुग्णालयातील व्हरांड्यात खुर्चीत बसून उपचार घेण्याची वेळ आली होती. राष्ट्रवादी काँग्रेसचे नेते आणि गृहनिर्माणमंत्री जितेंद्र आव्हाड यांनी मदतीसाठी धाव घेतली. जितेंद्र आव्हाड यांनी तातडीने दोन महागडी इंजेक्शन सलीम मखानी यांना उपलब्ध करून दिली होती.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.