मुंबई : क्रिकेट जगतातील देव मानला जाणा-या सचिन तेंडुलकरने आपल्या पत्नी व मुलासह वांद्रे येथील मतदान केंद्रावर जात मतदान केले आहे. यावेळी प्रसारमाध्यमांशी बोलताना सचिनने सांगितले की, ''तुमच्या सुरक्षित भविष्यासाठी मतदान करणे अत्यंत गरजेचे आहे, तसेच प्रत्येकाने मतदान न चुकता करावे. 

तसेच, मी अनेकदा कित्येक जेष्ठ नागरिकांना मतदान करताना पाहिले आहे, त्यामुळे अशा व्यक्तींकडे पाहून आपण प्रत्यकानेच मतदानाचे गांभीर्य लक्षात घेऊन मतदान केले पाहिजे." असेही सचिन म्हणाला.

दरम्यान सचिनने आपली पत्नी अंजली आणि मुलगा अर्जून यांच्यासह वांद्रे येथील मतदान केंद्रावर जाऊन मतदान केले आहे.