मुंबईत आज पुन्हा लोकलने प्रवास करणाऱ्या प्रवाशांना मनस्ताप सहन करावा लागत आहे. मध्य रेल्वेची वाहतूक तांत्रिक बिघाडामुळे विस्कळीत झाली असून कर्जत ते बदलापूर दरम्यानची लोकल सेवा ठप्प झाली आहे. बदलापूर आणि वांगणी दरम्यान ओव्हरहेड वायर तुटल्याने मध्य रेल्वेची वाहतूक विस्कळीत झाली आहे.

तांत्रिक बिघाडामुळे बदलापूर ते मुंबई लोकल सेवा देखील उशिराने सुरु आहे. मुंबईहून कर्जतच्या दिशेने येणाऱ्या लोकल ट्रेन बदलापूरपर्यंतच धावत आहेत. दरम्यान रेल्वेची कर्मचारी घटनास्थळी दाखल झाले असून दुरुस्तीचं काम सुरु आहे. लवकरच दुरुस्ती करुन लोकल सेवा पूर्ववत करण्यात येईल, अशी माहिती सध्या मिळत आहे.