छत्रपती संभाजीनगर जिल्ह्यातील गंगापूर तालुक्यातील रांजणगाव परिसरात एका तरुणावर लाकडी बॅटने मारहाण केल्याची धक्कादायक घटना समोर आली आहे. आरोपींनी संबंधित तरुणाला शिवीगाळ करत बेदम मारहाण केली असून जीवे मारण्याची धमकीही दिली आहे. या प्रकरणी सतीश पावरे, इरफान पठाण यांच्यासह आणखी एका व्यक्तीवर वाळुज एमआयडीसी पोलीस ठाण्यात गुन्हा दाखल करण्यात आला आहे. घटनेचा व्हिडिओ सामाजिक माध्यमांवर मोठ्या प्रमाणात प्रसारित झाला असून या प्रकरणाचा पुढील तपास पोलिसांकडून सुरू आहे.
