Artemis 2 mission: ऐतिहासिक क्षण! ५० वर्षांनंतर मानव पुन्हा चंद्राकडे; मानवाच्या इतिहासातील सर्वात दूरचा अंतराळ प्रवास

बुधवारी केनेडी स्पेस सेंटरमधून नासाने आपल्या महत्त्वाकांक्षी आर्टेमिस २ मोहिमेचे यशस्वी प्रक्षेपण केले. जवळपास ५० वर्षांच्या दीर्घ प्रतीक्षेनंतर मानवजातीला चंद्राकडे परतण्याची संधी मिळाली आहे. या मोहिमेत चार अनुभवी अंतराळवीरांचा समावेश आहे. रीड वाईजमन, व्हिक्टर ग्लोव्हर, क्रिस्टीना कोच आणि जेरेमी हॅन्सन या चमूने चंद्राच्या कक्षेत प्रवेश केला. नियोजित वेळेनुसार झालेल्या या उड्डाणानंतर हे अंतराळवीर सुमारे दहा दिवसांच्या चंद्रप्रदक्षिणा प्रवासानंतर पृथ्वीवर परतणार आहेत.