मुंबई : लॉकडाऊन असले तरी लग्नाळूंना दिलासा देण्याचा निर्णय मुंबई महापालिकेने घेतला आहे. महापालिका आणि पोलिसांची परवानगी घेऊन लग्न करता येणार आहे; मात्र वऱ्हाडींची संख्या मर्यादित ठेवावी लागणार आहे. तसेच मत्स्य उद्योगासंबंधी सर्व व्यवहारांना परवानगी देण्यात आली आहे. त्यामुळे मासळी बाजारही सुरू होण्याची शक्‍यता आहे. 

ही बातमी वाचली का? उच्च न्यायालयाच्या मुख्य न्यायमूर्ती पदासाठी यांच्या नावाची चर्चा

मुंबईतील 452 ठिकाणे वगळता इतर ठिकाणी सोमवारपासून (ता. 20) कामकाज सुरू करण्याची परवानगी पालिकेने दिली आहे. हे व्यवहार सुरू करताना कामकाजाच्या ठिकाणी आवश्‍यक सुरक्षितता पाळणे गरजेचे आहे. तसे न केल्यास संबंधितांना एक वर्षाची कैद होऊ शकते. याव्यतिरिक्त पानटपऱ्या बंदच ठेवण्याचा निर्णय घेण्यात आला आहे. 

ही बातमी वाचली का? '...या' शहरांमध्ये राज्य सरकारकडून तज्ज्ञ डॉक्‍टरांच्या पथकांची नेमणूक

यांना परवानगी 

• वैद्यकीय क्षेत्राशी संबंधित कारखाने 
• ऑनलाईन शॉपिंग 
• महिलाश्रम, वृद्धाश्रम, बालकाश्रमातील कर्मचाऱ्यांना प्रवास करण्याची परवानगी 
• अत्यावश्‍यक दुकाने नियमित वेळेत सुरू राहणार 
• दैनंदिन गरजेच्या वस्तूंच्या मालवाहतुकीला परवानगी 

ही बातमी वाचली का? ...काय नवलच! व्हिडीओ कॉलिंगद्वारे त्यांनी केलं बाळाचं बारसं

हे करावे लागणार 

• कर्मचाऱ्यांना स्वच्छतेच्या सुविधा पुरवणे 
• कामाच्या ठिकाणी मास्क तसेच सामाजिक अंतर बंधनकारक 
• प्रवासासाठी परवानगी आवश्‍यक 
• परिसराचे वेळोवेळी निर्जंतुकीकरण 
• दुचाकीवर एक व्यक्ती, चार चाकीत चालकासह एक व्यक्ती, बसमध्ये 30 टक्के प्रवासी