मुंबई : मुंबई उच्च न्यायालयाच्या मुख्य न्यायमूर्ती पदासाठी कोलकात्याचे न्या. दीपांकर दत्ता यांची नियुक्ती करण्याची शिफारस सर्वोच्च न्यायालयाच्या कॉलेजिअम मंडळाने केली आहे.
मुंबई उच्च न्यायालयाचे विद्यमान मुख्य न्यायाधीश भूषण धर्माधिकारी 27 एप्रिलला सेवानिवृत्त होत आहेत. न्या. दत्ता हे कोलकाता उच्च न्यायालयातील दुसऱ्या क्रमांकाचे ज्येष्ठ न्यायमूर्ती आहेत. कोलकाता विद्यापीठामधून त्यांनी कायद्याचे शिक्षण घेतले असून, जून 2006 मध्ये त्यांची कोलकाता उच्च न्यायालयाच्या न्यायमूर्ती पदावर नियुक्ती झाली.
याशिवाय मेघालय उच्च न्यायालयाच्या मुख्य न्यायमूर्ती पदावर कोलकात्याचे न्या. विश्वनाथ सोमादर यांची नियुक्ती करण्याची शिफारसही मंडळाने केली आहे. सध्या न्या. सोमादर हे अलाहाबाद उच्च न्यायालयात रुजू आहेत. कॉलेजिअम मंडळाने शनिवारी (ता. 18) केंद्र सरकारला यासंबंधी शिफारस केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
