मुंबई : ठाकरे सरकारमध्ये मुंबईतून शिवसेनेने ‘किचन कॅबिनेट’लाच पसंती दिली आहे. विशेष म्हणजे, त्यातील  आदित्य ठाकरे वगळता इतर दोन मंत्री विधानपरिषदेवर निवडून आले आहेत. 

महत्वाची बातमी - प्रकाश सांळुखेचं राजीनामास्त्र अखेर म्यान!

राज्याच्या मंत्रिमंडळाचा सोमवारी (ता. ३०) विस्तार झाला. त्यात वरळीचे आमदार आदित्य ठाकरे आणि शिवसेनेचे विधानपरिषद सभापती ॲड. अनिल परब यांनी कॅबिनेट मंत्रिपदाची शपथ घेतली. यापूर्वी मुंबईतून विधानपरिषद सदस्य सुभाष देसाई यांना मंत्रिमंडळात स्थान मिळाले आहे. ॲड. परब आणि देसाई ‘मातोश्री’च्या किचन कॅबिनेटमधील सदस्य आहेत.
सुभाष देसाई यांच्या कारभाराबाबत पदाधिकाऱ्यांपासून आमदारही नाराज होते. मात्र, तरीही त्यांना मंत्रिपद मिळाले होते. यंदा विधानसभेवरील आमदारांनाच मंत्रिपद देण्याची मागणी होती. तरीही देसाई आणि परब यांना मंत्रिपद मिळाल्याने चर्चा होत आहे.

हे वाचायला हवं - मंत्रालयातील केबिन नं.602 एक शापित दालन?

काँग्रेसच्या मुंबईतील चार आमदारांपैकी तीन आमदार मुस्लिम; तर एक मराठी दलित आहे. त्यामुळे मंत्रिपद देताना काँग्रेसने एकाच दगडात तीन पक्षी मारले आहेत. धारावीच्या वर्षा गायकवाड या शहरी भागातील; तर अस्लम शेख मालाड उपनगरातील आहेत. त्यामुळे हा प्रादेशिक समतोल राखताना मराठी आणि हिंदीभाषक असा समतोल राखण्यात आला. त्यामुळे दलित मतदार पुन्हा मिळविण्यात हे सूत्र फायदेशीर ठरेल, अशी काँग्रेसला अपेक्षा आहे. राष्ट्रवादी काँग्रेसने मुंबईतील एकमेव आमदार नवाब मलिक यांना मंत्रिपद दिले आहे.

सरत्या वर्षात घडल्या नवी`या` राजकिय उलथापालथी

आदित्य यांच्यावर शहरांची जबाबदारी
फडणवीस सरकारमध्ये शिवसेनेचे केवळ मुंबईतील चेहरेच मंत्रिमंडळात होते. मात्र, या वेळी उद्धव यांनी ग्रामीण भागातील आमदारांना संधी दिली आहे. त्यामुळे आता शिवसेना ग्रामीण महाराष्ट्रात पाळेमुळे अधिक घट्ट करण्याचा प्रयत्न करणार, हे निश्‍चित आहे. हे करताना शहरी पकड सैल होऊ नये, याकरिता आदित्य ठाकरे यांच्यावर शहरांची जबाबदारी दिली जाण्याची शक्‍यता आहे. त्यासाठीच त्यांना मंत्रिमंडळात स्थान मिळाल्याची चर्चा आहे.