PMC बँक घोटाळ्यानंतर महाराष्ट्रात आणखी एक मोठा घोटाळा समोर येतोय. गुडविन ज्वेलर्सची मुंबईतील ठाणे आणि डोंबिवली भागातील दुकानं बंद आहेत. त्यामुळे गुडविन ज्वेलर्सने लोकांनी भिशी स्वरूपात गुंतवलेल्या पैशांवर डल्ला मारलाय अशा प्रतिक्रिया आता उमटू लागल्यात.
डोंबिवलीकरांना तब्बल 10 कोटींचा गंडा घातल्याची धक्कादायक घटना समोर आली. डोंबिवलीकरांनी गुंतवणूक केलेले कोट्यवधी रुपये घेऊन गुडविन ज्वेलर्स पसार झाल्याचं समोर आलं. या प्रकरणी डोंबिवली पोलिसांनी गुन्हा दाखल करत तपास सुरु केलाय.
दरम्यान, डोंबिवलीच्या घटनेनंतर ठाण्यातील चरई भागात डॉ मुस रोडवर असलेलं गुडविन ज्वेलर्स दुकानदेखील अचानक बंद झाल्यामुळे अनेकांनी याही ठिकाणी मोठी गर्दी केलीये. तब्बल 80 जणांनी ठाण्यातल्या या गुडविनच्या दुकानात भिशी स्वरूपात पैसे गुंतवलेत. या सर्वांनी ठाण्यातील गुडविन दुकानाबाहेर मोठी गर्दी केलीये.
आम्ही पळून गेलो नाही
दरम्यान आम्ही पळून गेलो नाही. आम्हाला संपवण्याकरता एक मोठी शक्ती काम करतेय. आमच्याकडे 50 कोटींची खंडणी मागण्यात आलीय. असं सांगत गुडविल ज्वेलर्सच्या मालकांनी आपली बाजू मांडण्यारा एक व्हिडिओ जारी केलाय.
कुणी आपल्या मुलांच्या शिक्षणासाठी गुंतवणूक केलीये तर, कुणी घरासाठी पैसे साठवलेले. मात्र, आता या सर्वांवर पैसे बुडण्याची वेळ येतेय की काय अशी परिस्थिती निर्माण झालीये.
Webtitle : shops of goodwin jewellers closed in mumbai yet another scam suspected by bhisi investors
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.