मानखुर्द (बातमीदार) : लॉकडाऊननंतर शनिवारी (ता. 3) देवनार पशुवधगृहातील बकऱ्यांच्या खरेदी-विक्रीला सुरुवात झाली. कोरोनाच्या पार्श्वभूमीवर सरकारच्या सूचनांचे पालन करत या व्यवसायाला सुरुवात झाली. मेंढपाळ, कामगार, व्यापारी, मांसविक्रेत्यांच्या सुमारे दहा हजार कुटुंबाचा उदरनिर्वाह या व्यवसायावर चालतो. कोट्यवधींची उलाढाल या व्यवसायातून होते. त्यातून पालिकेला मोठ्या प्रमाणात महसूलदेखील मिळतो, अशी माहिती राष्ट्रवादी असंघटित कामगार संघटनेचे पदाधिकारी रावसाहेब दारगुंडे यांनी दिली.
लॉकडाऊनमुळे देवनार पशुवधगृहातील शनिवारी व मंगळवारी भरणारा शेळ्या-मेंढ्यांचा बाजारदेखील बंद ठेवण्यात आला होता. त्यामुळे या व्यवसायावर अवलंबून असलेल्या कुटुंबातील सुमारे पंचेचाळीस हजार जणांवर उपासमारीची वेळ आली होती. हा बाजार पुन्हा सुरू व्हावा, या दृष्टीने विविध संघटना प्रयत्नशील होत्या.
धनगर समाजाचे नेते प्रकाश शेंडगे यांनी याबाबत उपोषणाचा इशारा दिल्यानंतर ऑगस्ट महिन्यात महापौरांच्या दालनात याविषयी चर्चा झाली होती. त्यानंतर विविध संघटना हा बाजार पुन्हा सुरू व्हावा, यासाठी पाठपुरावा करत होत्या. अखेर शनिवारी सरकारच्या सूचनांचे पालन करत हा बाजार भरण्यास सुरुवात झाली आहे.
-------------------------------
(संपादन : गोरक्षनाथ ठाकरे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.