ठाणे : गोवा बनावटीचे मद्य स्वस्तात आणून महागड्या विदेशी बाटलीत भरून विकणाऱ्या तीन मद्य तस्करांना राज्य उत्पादन शुल्क विभागाच्याच्या भरारी पथकाने अटक केली. या कारवाईत कारसह सहा लाख 35 हजार किमतीच्या महाराष्ट्रात विक्रीस बंदी असलेल्या 155 मद्याच्या बाटल्या हस्तगत केल्या आहेत. त्याचबरोबर, बनावट मद्य बाटल्या निर्मितीसाठी लागणाऱ्या ब्रॅंडेड रिकाम्या बाटल्या, लेबल्स, कोरी बुचे आणि इतर साहित्य जप्त करण्यात आले आहे. 

ही बातमी वाचा ः  काॅंग्रेसला मिळणार हि खाती; खातेवाटपाची यादी सकाळच्या हाती
गोवा बनावटीची दारू महाराष्ट्रात चारपट किमतीत विक्री करण्यासाठी काही तस्कर येणार असल्याची माहिती राज्य उत्पादन शुल्क विभागाच्या ठाणे भरारी पथकाला मिळाली होती. त्यानुसार, शुक्रवारी भरारी पथकाचे निरीक्षक आनंदा कांबळे, दुय्यम निरीक्षक अनिल राठोड आदींच्या पथकाने ठाणे परिसरात येत असताना वसई येथील सातिवली पुलाच्या खाली सापळा रचला. तसेच, मद्य भरलेल्या एका चार चाकी वाहनासह रामकिशोर निषाद, मुखलाल निर्मल आणि भवानीदिन निषाद या तिघांना ताब्यात घेतले.

ही बातमी वाचा ः कपडे बदलताना चमकणारी वस्तू दिसली,अन..

वाहनामध्ये 750 मिलीच्या 155 सीलबंद गोवा बनावटीच्या बाटल्या आणि रिकाम्या बाटल्या, कोरी बुचे व लेबल्स असा तब्बल सहा लाख 35 हजारांचा मुद्देमाल हस्तगत केला. गोव्यात अवघ्या 160 रुपयांत मिळणाऱ्या मद्याच्या बाटलीतील मद्य बनावट बाटलीमध्ये भरून महाराष्ट्रात तब्बल 750 रुपयांत विक्री केली जात असे. या तस्करीसाठी लागणाऱ्या रिकाम्या बाटल्या व बुचे, लेबल्सचा साठा या टोळीकडून हस्तगत करण्यात आला आहे, अशी माहिती दुय्यम निरीक्षक राठोड यांनी दिली.