कपडे बदलताना तिला चमकणारी वस्तू दिसली, अन्...

मुंबई : कपडे बदलत असताना छुप्या मोबाईलद्वारे चित्रीकरण करणाऱ्या एका माथेफिरूला पवई पोलिसांनी अटक केली. प्रदीप रॉय असे या माथेफिरूचे नाव असून पोलिसांनी त्याच्याविरोधात गुन्हा दाखल केला आहे.

धक्कादायक कामावरून काढून टाकल्याने तिने उचलले 'हे' पाऊल

पीडित तरुणी (23) ही पवई येथे एका महिलेकडे कामाला असून, या महिलेच्याच घरात तिच्या मुलीचा सांभाळ करण्याची जबाबदारी पीडित तरुणीकडे होती. याच महिलेच्या घरात जेवण बनविण्याचे काम प्रदीप रॉय करतो. घरात पीडित तरुणीला राहण्यासाठी वेगळी खोली होती. मात्र नोकर वर्गासाठी स्वच्छतागृह मात्र एकच होते. एके दिवशी या स्वच्छतागृहात पीडित तरुणी कपडे बदलत असताना तिला स्वच्छतागृहात काही तरी चमकत असल्याचे आढळले.

तुम्हाला हे माहित आहे का... भारतात सर्वाधिक आंबट शौकीन

तिने जवळ जाऊन पाहिले असता, तो मोबाईल असल्याचे आढळले. यावेळी तरुणीने तत्काळ घर मालकिनीच्या कानावर ही बाब घालत पवई पोलिस ठाण्यात गुन्हा दाखल केला. पवई पोलिसांनी प्रदीप रॉय या माथेफिरूला अटक केली असून पुढील तपास करत आहे.