वाड्यात १४५ कोरोना रुग्ण वाडा, ता. १२ (बातमीदार) ः तालुक्यात दिवसेंदिवस कोरोना रुग्णांची संख्या वाढत असून आज १४५ कोरोना रुग्णांची नोंद झाली आहे. त्यांच्यावर घरीच उपचार करण्यात येत आहेत, अशी माहिती तालुका आरोग्य अधिकारी डॉ. संजय बुरपल्ले यांनी दिली आहे. मंगळवारी पाली येथील आदिवासी आश्रम शाळेतील १४ विद्यार्थांना कोरोनाची लागण झाली असून त्यांच्यावर आश्रम शाळेतच उपचार सुरू आहेत. त्यांची प्रकृती स्थिर असल्याची माहिती आरोग्य विभागाने दिली. सध्या तालुक्यात १४५ रुग्ण असून त्यांच्यावर घरीच उपचार करण्यात येत आहेत, असे आरोग्य विभागाकडून सांगण्यात आले.