उतारावरून निसटलेला
कंटेनर भर रस्त्यावर!
मुंबई, ता. ७ ः वरळीच्या सेंच्युरी बाजार परिसरात बांधकाम सुरू असलेल्या ठिकाणी माल उतरवताना, कंटेनर उतारावरून निसटला आणि दुभाजक ओलांडून बेस्ट बस थांब्याला धडकून थांबला. गुरुवारी दुपारी घडलेल्या या घटनेत कोणतीही जीवितहानी झाली नाही.
ही घटना घडली तेव्हा रस्त्यावर रहदारी सुरू होती. घटनेच्या सीसीटीव्हीत तीन वाहने, एक दुचाकी कंटेनरची धडक होण्यापासून थोडक्यात बचावली. या घटनेत बेस्ट थांब्याचे नुकसान झाले. उतारावरून वाहन निसटू नये, म्हणून पुरेशी खबरदारी न घेतल्याबद्दल कंटेनर चालकाविरोधात गुन्हा नोंदवल्याचे पोलिसांनी सांगितले.