मुंबई, ता. २८ ः नायर रुग्णालयात एका ४० वर्षीय रुग्णाने दुसऱ्या मजल्यावरून उडी मारून आत्महत्या केल्याची घटना आज उघडकीस आली. अविनाश सावंत असे या रुग्णाचे नाव असून ते मूळ सिंधुदुर्ग जिल्ह्यातील रहिवासी होते. हृदयविकाराचा त्रास असल्याने काही महिन्यांपूर्वी त्यांना रुग्णालयात दाखल करण्यात आले होते. दरम्यान, या प्रकरणी आग्रीपाडा पोलिसांनी अकस्मात मृत्यूची नोंद केली आहे.