पेण, ता. ३ (वार्ताहर) : गॅस सिलिंडर वाहून नेणाऱ्या ट्रकला पिकअपची जोरदार धडक बसून अपघात झाल्याची घटना बुधवारी (ता. ३) पहाटे घडली. मुंबई-गोवा महामार्गावर हमरापूर फाट्यावर हा अपघात झाला. यात पिकअपची चालक गंभीर जखमी झाला असून त्याच्या पत्नीचा जागीच मृत्यू झाला.

पिकअपचालक सुमीत चंद्रकांत खवळे (वय २८) हा देवगडवरून आंबे घेऊन येत होता. हमरापूर फाट्यावर हा पिकअप आला असता मागून आलेल्या ट्रकने त्याला जोरदार धडक दिली. यात स्पृहा खवळे (वय २४) यांचा जागीच मृत्यू झाला. अपघाताचे वृत्त समजताच कल्पेश ठाकूर यांनी जखमीला पेण उपजिल्हा रुग्णालयात दाखल केले. या वेळी महामार्गावर वाहतूक कोंडी झाली होती. दरम्यान, दादर सागरी पोलिस व पेण पोलिसांनी घटनास्थळी जाऊन अडकलेल्या दोन्ही वाहनांना बाजूला करून वाहतूक सुरळीत केली.