Water News: भिवंडी महापालिकेच्या कार्यक्षेत्रातील शांतीनगर जलवाहिनीलगत बृहन्मुंबई रस्त्याचे काम सुरू असल्याने ५०० मिलीमीटर व्यासाची ही जलवाहिनी बाधित होत आहे. त्यासाठी ही जलवाहिनी स्थलांतरित करण्याचे नियोजन आहे.

त्यामुळे २९ जानेवारीला सकाळी ८ वाजेपासून ते दिनांक ३० जानेवारीपर्यंत सकाळी ८ वाजेपर्यंत २४ तासांसाठी पाणीपुरवठा बंद राहणार आहे. तसेच पुढील एक दिवस कमी दाबाने व कमी प्रमाणात पाणीपुरवठा होणार आहे. याची नागरिकांनी नोंद घेऊन महापालिकेस सहकार्य करावे, असे आवाहन पालिकेने केले आहे.

यादरम्यान शांतीनगर, न्यू आझादनगर, संजयनगर, गोविंदनगर, सहयोगनगर परिसर, बिलालनगर परिसर, पिराणीपाडा, गैबीनगर परिसर, गुलजारनगर परिसर, अंसारनगर, किदवाईनगर, खाण कम्पाउंड, गणेश सोसायटी, जोहर रोड परिसर, नदीयापार परिसर, भाजी मार्केट रोड, जब्बार कम्पाऊंड, वफा कम्पाऊंड, न्हावीपाडा, मर्चंट सायजिंग परिसर, सत्तार टेकडी परिसर या भागातील नागरिकांचा पाणीपुरवठा बाधित होणार आहे.