Mumbai Politics: माजी खासदार मिलिंद देवरा यांनी काँग्रेसला सोडचिठ्ठी देऊन शिवसेनेत प्रवेश केल्यानंतर दक्षिण मुंबईतील तीन माजी नगरसेवक शिवसेना शिंदे गटात दाखल झाले आहेत.

माजी नगरसेविका सुषमा विनोद शेखर, शहांना रिझवान खान आणि राबिया शेख यांनी मुख्यमंत्री एकनाथ शिंदे यांच्या उपस्थितीत ‘वर्षा’ निवासस्थानी शेकडो कार्यकर्त्यांसह शिवसेनेत प्रवेश केला. (eknath shinde congress corporetors mumbai)

आतापर्यंत काँग्रेसमधील सहा नगरसेवकांनी काँग्रेसला रामराम ठोकला आहे.
निवडणुका तोंडावर आल्याने सर्वच पक्षांत पक्ष प्रवेश सुरू झाले आहेत. आज दक्षिण मुंबईतील मिलिंद देवरा समर्थक तीन माजी नगरसेविकांनी कार्यकर्त्यांसह शिवसेनेत प्रवेश केला.

मुख्यमंत्री एकनाथ शिंदे यांनी त्यांचे स्वागत केले. आपल्या विभागात चांगले काम करायचे असल्यामुळे या नगरसेवक आपल्यासोबत येत आहेत. त्यांनी जो विश्‍वास माझ्यावर दाखवला आहे. तो सार्थ ठरेल, असे मुख्यमंत्री शिंदे म्हणाले. आपले सरकार सर्वसामान्यांचे आहे.(milind devra politics in mumbai)

जनतेला आमच्यावर विश्‍वास आहे. त्यामुळेच रोज नवनवीन पक्षप्रवेश होत आहेत. आपल्या सरकारने जे लोककल्याणकारी काम दीड वर्षांत केले, ही त्याचीच पोचपावती आहे, असे शिंदे म्हणाले.

ज्यांनी पक्षप्रवेश केला आहे, त्यांना शिवसेनेच्या माध्यमातून त्यांच्या विभागात जास्तीत जास्त विधायक कामे करण्याची संधी मिळेल, असे माजी खासदार देवरा यांनी सांगितले.