कळवा, ता. १० (बातमीदार)ः कळवा पूर्व आनंदनगर परिसरातील श्रद्धा सोसायटीमधील रूम क्रमांक १०१ मध्ये शॉटसर्किटमुळे आग लागली. शुक्रवारी सकाळी १० वाजण्याच्या सुमारास घडलेल्या या घटनेत घरगुती वस्तू जळाल्याने मोठे नुकसान झाले आहे.
कळव्यातील आनंदनगरमधील श्रद्धा सोसायटीतील बी विंगमधील पहिल्या मजल्यावरील भाडेकरू सरोज माने यांच्या रूम क्रमांक एकमध्ये सकाळी शॉटसर्किटमुळे अचानक आग लागली. या आगीत घरातील लाकडी देव्हारा, टीव्ही, कपाट, सीलिंग फॅन, दोन लाकडी कपाट, शिलाई मशीन, टेबल जळून खाक झाल्याने माने यांचे मोठे नुकसान झाले आहे. अग्निशमन दलाच्या जवानांनी या आगीवर तातडीने नियंत्रण मिळवले.