ठाणे, ता. २८ : लोकसभा अध्यक्ष ओम बिर्ला यांच्या वतीने प्रेस कौन्सिल ऑफ इंडियामध्ये शिवसेना खासदार नरेश म्हस्के यांची सदस्य म्हणून नियुक्ती करण्यात आली आहे. प्रेस कौन्सिल ऑफ इंडियाच्या तीन सदस्यांच्या नावांची घोषणा मंगळवारी (ता. २७) रात्री उशिरा करण्यात आली. खासदार म्हस्के यांच्यासह कालिचरण मुंडा, संबित पात्रा यांचीही नियुक्ती करण्यात आली आहे. या वेळी उपमुख्यमंत्री एकनाथ शिंदे यांचा भरभक्कम पाठिंबा, शिवसेना गटनेते खासदार डॉ. श्रीकांत एकनाथ शिंदे यांनी केलेल्या मार्गदर्शनामुळेच संसदेत काम करण्याची ऊर्जा मिळत आहे. तसेच मोठ्या मताधिक्याने संसदेत पाठवणारा मतदार राजा, महायुतीचे पदाधिकारी आणि कार्यकर्ते, महिला आघाडी, शिवसैनिकांचे यश आहे.