प्लॅस्टिकमुक्तीच्या प्रयत्नांना
ग्रॅण्ट रोड स्थानकात खीळ
मालाड, ता.२० (बातमीदार)ः पश्चिम रेल्वेच्या ग्रॅण्ट रोड स्थानकात बॉटल क्रशिंग मशीन धूळखात पडली आहे. फ्लाट क्रमांक १ च्या मुख्य प्रवेशद्वारावरील या मशीनचा वापर होत नसल्याने प्लॅस्टिकमुक्तीच्या प्रयत्नांना खीळ बसली आहे.
स्थानक परिसरात प्लॅस्टिकच्या रिकाम्या बाटल्या फेकू नये, म्हणून बॉटल क्रशिंग मशीन लावण्यात आली आहे. या मशीनमधील प्लॅस्टिकच्या दाण्याचा पुनरुपयोग केला जात होता. पर्यायी पर्यावरणाचा ऱ्हास कमी होत होता, मात्र स्थानकातील ही मशीन धूळखात पडल्याने या मोहिमेला ब्रेक लागला आहे. या स्थानकाच्या इमारतीत रेल्वे अधिकाऱ्यांची घरे असल्याने कसे काय दुर्लक्ष झाले, असे प्रश्न प्रवाशांना पडला आहे.